భాండాగారం 1

మా ఇంట్లో బామ్మ మడీ  తడీ     భట్టిప్రోలు విజయలక్ష్మి                               నా చిన్నప్పుడు మా బామ్మ మాఇంట్లొనే ఉండేది. బామ్మ ఉంటే మా ఇంట్లో వంట తప్పనిసరిగా మడి కట్టుకునే చెయ్యాలి. బామ్మ మైల వంట తినేది కాదు. ఈ రోజుల్లో చాలా మందికి మడి అంటేనే తెలియదు. అందుకని వాళ్ళకోసం ముందుగా మడి అంటే ఏమిటో చెప్తాను. ముందురోజు తడిబట్టలు కట్టుకుని మరో జత తడి బట్టలు ఆరేసుకునే వాళ్ళు. ఆ ఆరేసిన బట్టలను మళ్ళీ ఎవరూ ముట్టుకోకూడదు. ముట్టుకుంటే అవి మైల పడిపోతాయి. అలా ఎవరూ ఆ బట్టలు ముట్టుకునే వీలు లేకుండా వంట ఇంట్లో పైన ఒక వెదురుబొంగుని దండెంగా కట్టేవాళ్ళు. ఇంకో వెదురు బొంగు సాయంతో ఆ బట్టలను ఆరేయటం, మళ్ళీ వాటిని అవసరమైయ్యేటప్పుడు ఆ బొంగు సాయంతోనే తీసుకోవటం ఓ ఆర్ట్. ఈ మధ్య తిరుమలలో అర్చక భవన్ కి వెళ్ళినప్పుడు వరుసగా  ఓ 10, 15 దండేల నిండుగా మడి పంచెలు ఆరేయటం చూసి నాకు మళ్ళీ మా చిన్నతనం, మా బామ్మ మడి గుర్తొచ్చాయి.                      ...